Kryetari Fatmir Dehari Uron 7 Marsin (FOTO)

Sot, nga vendprehja e mësuesit misionar, Pertef Abas Therepeli, nga Skrapari i Shqipërisë!
Të dashur mësues,
Sot është dita juaj, dita e dritës dhe dijes, dita e përkushtimit dhe sakrificës që ju e keni bërë dhe vazhdoni ta bëni ndër breza! Ju jeni themeli mbi të cilin ndërtohet e ardhmja, dora që drejton, fjala që frymëzon dhe zemra që edukon me dashuri.

Me përkushtimin tuaj, keni ndriçuar rrugën e brezave të tërë, duke u dhënë atyre dijen si armën më të fuqishme për të ardhmen. Puna juaj është mision i shenjtë, një flakadan që nuk shuhet kurrë.

Në këtë ditë të shënuar, ju shprehim mirënjohjen më të thellë dhe respektin më të madh për gjithçka që bëni! Qofshi gjithmonë të vlerësuar, të nderuar dhe të shpërblyer për mundin dhe dashurinë tuaj ndaj arsimit dhe kombit!

Gëzuar 7 Marsin!
Shkruan kryetari i Kërçovës Fatmir Dehari në facebook duke publikuar edhe këto foto.

FOTO:

/ms