Kovaçevski: Duhet të ulen pagat që janë shumë më të larta se mesatarja..

Kryeministri Dimitar Kovaçevski sot tha se aty ku ka paga shumë më të larta se mesatarja, të njëjtat duhet të zvogëlohen, si një nga mënyrat për uljen e shpenzimeve, në përputhje me Planin për qëndrueshmëri fiskale që dje është miratuar nga Qeveria, përcjell TV21.

Duke iu përgjigjur pyetjeve të gazetarëve, Kovaçevski tha sot se qëllimi i grupit të masave fiskale është që me uljen e shpenzimeve dhe rritjen e të hyrave të përballemi më mirë me krizën energjetike.

“Një nga mënyrat për të ulur shpenzimet, aty ku ka paga shumë më të larta mbi mesataren, mendoj se në kushtet e një krize të këtillë duhet të ulen, ndërsa ku të ardhurat nuk korrespondojnë me atë që duhet të jenë, gjithashtu të bëjnë përpjekje për të rritur të ardhurat”, tha mes tjerash Kovaçevski.

/ts