Kosovarit i vidhe vetura në Tetovë! Policia ja gjen pas disa orëve

Me reagim të shpejtë të policisë, është gjetur vetura e një shtetasi të Kosovës vetëm disa orë pasi ishte raportuar e vjedhur.

Më 26.12.2025, në ora 22:10, në rrugën “Kozle” në Shkup, nëpunës policorë nga Njësia e Policisë Intervenuese pranë SPB Shkup kanë gjetur veturën “Audi A6” me targa të Kosovës, për të cilën në ora 04:15 në SPB Tetovë, K.R. (31) nga Kosova kishte raportuar se rreth orës 01:40 i ishte marrë nga hapësira e parkimit para një objekti hotelierik në fshatin Zhelinë, rajoni i Tetovës.

Automjeti, së bashku me të gjitha gjërat dhe dokumentet që ndodheshin në të, i është kthyer pronarit, ndërsa pas zbardhjes dhe dokumentimit të plotë të rastit, kundër kryerësve do të parashtrohet kallëzim përkatës.

/ts