Komuniteti rom bllokojnë rrugët e qytetit ? (VIDEO)

Qytetarë të komunitetit rom dje dhe sot bllokuan rrugë nëpër disa qytete si: Kërçovë, Strumicë, Shtip, Koçan, Shutkë të Shkupit, por edhe rrugën magjistrale Manastir-Prespë.

Ata janë kundër vendosjes së sistemit “Qytet i Sigurt” pasi policia filloi me kontrolle më të rrepta, gjoba dhe konfiskim të automjeteve të personave pa patentë shoferi. Banorë të disa lagjeve rome akuzojnë për diskriminim, duke pretenduar se shumë prej tyre nuk kanë përfunduar arsimin dhe për këtë arsye nuk kanë kushte për të dhënë provimin për patentë shoferi.

Kryeministri Hristijan Mickoski ka kërkuar nga ministri i Punëve të Brendshme, Pançe Toshkovski, që të përgjigjet ashpër ndaj çdo rrezikimi të rendit dhe sigurisë, në mënyrë që të mos përsëritet, siç tha ai, “shfrenimi” i djeshëm

“Sot në mëngjes bisedova me ministrin e Punëve të Brendshme dhe ajo që kërkova prej tij është që për secilin që e ka shkelur ligjin, ka kërcënuar, ka bërë kërcënim publik dhe e ka rrezikuar rendin dhe sigurinë e qytetarëve, të ketë përgjigje të ashpër. Dhe do të ketë përgjigje të ashpër që të mos përsëritet ai shfrenim i djeshëm”, tha Mickoski.

Incidentet shkaktuan një sërë reagimesh në rrjetet sociale. Qytetarët bëjnë thirrje që ligjet të vlejnë për të gjithë dhe të mos ketë më ngasje me makina të paregjistruara dhe shoferë pa patentë shoferi”.

VIDEO:

/tv21