Komuna e Kërçovës: Të largohen objektet e ndërtuara pa leje !

Komuna e Kërçovës i njofton qytetarët se, në kuadër të realizimit të projektit që përfshin segmentin nga bashkimi i lumit Sushica me lumin e Zajazit, deri në hyrje dhe përreth hyrjes në vendbanimin Biçinci, është e nevojshme që brenda tre (3) ditëve të largohen objektet e ndërtuara pa leje që ndodhen në hapësirën e përfshirë nga punimet e planifikuara ndërtimore.

Ftohen të gjithë personat e prekur të veprojnë në përputhje me njoftimin, si dhe të informojnë personat të cilët mund të mos jenë në dijeni për të.
Komuna e Kërçovës pret mbështetje dhe bashkëpunim maksimal, me qëllim që punimet e parashikuara të realizohen pa pengesa dhe në afatin e planifikuar.

⚠️ Në rast të mosveprimit brenda afatit të përcaktuar, objektet do të largohen nga organi kompetent, ndërsa aktivitetet e planifikuara do të vazhdojnë pa detyrime të mëtejshme ndaj personave që nuk kanë vepruar sipas njoftimit. Çdo dëm apo pasojë eventuale në të ardhmen do të jetë në përgjegjësi të pronarëve, përkatësisht shfrytëzuesve të objekteve.
Ju falënderojmë për mirëkuptimin dhe bashkëpunimin.
Komuna e Kërçovës

/ms