Komuna e Kërçovës organizon festën e Vitit të Ri në qendër të qytetit

Komuna e Kërçovës, përmes një njoftimi në faqen e saj zyrtare, ka bërë të ditur se do të organizojë festën e Vitit të Ri në qendër të qytetit. Aktivitetet festive do të mbahen para Shtëpisë së Kulturës në Kërçovë, sipas këtij programi:

30 dhjetor – festë para Vitit të Ri
31 dhjetor – pritje madhështore e Vitit të Ri 2026
Festa do të shoqërohet me një program të pasur kulturor-artistik, muzikë, argëtim dhe atmosferë festive.

Megjithatë, deri më tani nuk janë publikuar detaje lidhur me artistët që do të performojnë dhe as kostoja e organizimit.

Po ashtu, Komuna e Kërçovës u bën thirrje të gjithë gastronomëve të interesuar që të paraqesin kërkesë për vendosjen e stendave dhe skarave në hapësirën e caktuar posaçërisht në sheshin e qytetit.

“Të përcjellim vitin e vjetër me buzëqeshje dhe ta presim të riun me gëzim dhe bashkëpunim”, thuhet në njoftim.
Komuna e Kërçovës – bashkë në Vitin e Ri!

/votra.info