Komuna e Kërçovës bëhet me dy kamiona të rinj (FOTO)

Me angazhimet e përkushtuara të Kryetarit të Komunës së Kërçovës, Dr. Aleksandar Jovanovski, në bashkëpunim me Ministrinë e Mjedisit Jetësor dhe Planifikimit Hapësinor, është siguruar një pjesë e mjeteve të nevojshme për NKP “Komunalec” – Kërçovë për blerjen e 2 kamionëve të rinj për grumbullimin e mbeturinave komunale. 🚛♻️

Ky investim përfaqëson një rezultat konkret të punës së vazhdueshme të vetëqeverisjes lokale për përmirësimin e shërbimeve komunale dhe rritjen e cilësisë së jetës së qytetarëve. Kamionët e rinj do të vihen në funksion me qëllim grumbullimin më efikas dhe më të shpejtë të mbeturinave, organizim më të mirë në terren dhe mbulim më të gjerë të të gjitha lagjeve në qytet dhe zonat përreth.

Komuna e Kërçovës dhe NKP “Komunalec” vazhdojnë me masa konkrete dhe investime në modernizimin e pajisjeve dhe forcimin e kapaciteteve, me një qëllim të qartë: Kërçova të jetë një qytet i pastër dhe i rregullt, i denjë për të jetuar. ✅🏙️

FOTO:

/ms