Klubi i mundjes “Uskana” me Qendër moderne te sportit në Kërçovë

Salla e mundjes “Diaspora” është një objekt sportiv bashkëkohor, i ndërtuar dhe financuar kryesisht nga mërgata kërçovare, veçanërisht nga diaspora shqiptare që jeton në shtetet perëndimore si Zvicra, Gjermania .USA dhe vend e te tjera .

Ky investim i rëndësishëm përfaqëson një shembull të shkëlqyer të përkushtimit të mërgatës për zhvillimin e vendlindjes, jo vetëm përmes mbështetjes financiare, por edhe në organizim dhe promovim.

E ndërtuar sipas standardeve evropiane, kjo sallë ofron kushte moderne dhe të sigurta për stërvitje. Në të ushtrojnë sportistë nga kategori dhe grupe të ndryshme moshe – nga fillestarët e rinj deri te garuesit profesionistë – duke e bërë atë një qendër të rëndësishme për zhvillimin e sportit të mundjes në rajonin e Kërçovës.

Kryesia e klubit te mundjes “Uskana”, që menaxhon sallën, tregon një nivel të lartë organizimi dhe profesionalizmi. Nën drejtimin e tyre, sportistët jo vetëm që trajnohen në mënyrë cilësore, por marrin pjesë me sukses në gara duke përfaqësuar denjësisht qytetin dhe klubin.

Vlen të theksohet se kontribut të veçantë japin edhe veteranët e këtij sporti tradicional, të cilët me përvojën dhe përkushtimin e tyre ndihmojnë në edukimin dhe motivimin e brezave të rinj.

Salla e mundjes “Diaspora” është simbol i lidhjes së fortë ndërmjet mërgatës dhe atdheut, dhe një dëshmi se me bashkëpunim e përkushtim, mund të arrihen gjëra të mëdha për të rinjtë dhe për komunitetin në përgjithësi.

/tvgurra