Kina tërhiqet nga autostrada Kërçovë–Ohër ?

Pas mbi 12 vitesh zvarritje, autostrada Kërçovë–Ohër përballet me një krizë të re: banka kineze “Exim” ka ndërprerë financimin, duke detyruar shtetin të marrë hua nga bankat vendase për ta përfunduar projektin.

Kryeministri Hristijan Mickoski konfirmoi vështirësi në sigurimin e mjeteve dhe fajësoi qeverinë e kaluar. Nga 529 milionë euro të planifikuara, janë shpenzuar 478 milionë.

Autostrada 57 km ka hyrë në dekadën e dytë të ndërtimit, me vetëm rreth 40 km të përfunduar, ndërsa kostoja është rritur, afatet janë shtyrë dhe janë nënshkruar 8 anekse.

Projekti konsiderohet simbol i dështimit dhe korrupsionit, ndërsa mbetet e paqartë nëse do të përfundojë së shpejti.

/ms