Këto janë vendet më të rrezikshme për të udhëtuar në 2020-ën, zbuloni ku renditet Shqipëria

Specialistët ndërkombëtarë të mjekësisë dhe sigurisë SOS Ndërkombëtar kanë bërë publike hartën e tyre të vendeve më të rrezikshme në planet për vitin 2020. Hulumtimi i ndan destinacionet në pesë kategori të ndryshme – rrezik i parëndësishëm, i ulët, i mesëm, i lartë dhe ekstrem, shkruan Class.

Vendet më të sigurta në tokë u shpallën vende të cilat mbanin këtë pozicion prej vitesh, si: Finlandë, Norvegji dhe Islandë, ndërsa nivelet më të larta të rrezikut janë të pranishme në Libi, Somali, Afganistan dhe Venezuela.

Sipas të dhënave, Shqipëria hyn në vendet me rrezik të mesëm për të udhëtuar, e ngjyrosur me ngjyrën e verdhë, sikurse i gjithë Ballkani.

Ky raport gjithashtu shoqërohet nga ai i ‘Rezistenca e Biznesit’, një studim i mbi 1.300 profesionistëve në 214 vende që janë përgjegjës për vendimet e udhëtimit të biznesit. Sipas sondazhit, 47% e planifikuesve të udhëtimit të biznesit parashikojnë që rreziqet të rriten këtë vit në 2020, për shkak të një sulmi të fortë të kërcënimeve të sigurisë, trazirave civile, trazirave gjeopolitike dhe fatkeqësive natyrore.

Sipas Matthew Bradley, drejtor rajonal i sigurisë në International SOS, rreziku numër një për vitin 2020 është rreziku nga ndryshimet gjeopolitike. “Trazirat civile krijohen nga pabarazia dhe njerëzit që duan të kenë një situatë të ndryshme në vendin e tyre sesa që kishin në të kaluarën,” thotë Bradley. “Ne kemi parë që më së shumti në Hong Kong, në vende të tjera me rrezik më të ulët si Kili dhe në disa vende me rrezik më të lartë si Bolivia, Ekuador dhe Libani.”

/portalb