Kërçovë Te Berza: Viti i pestë që çdo natë jepen iftare ! (VIDEO)

Vazhdon tradita e shpërndarjes së iftareve tek vendi i njohur si “Berza” në Kërçovë. Çdo ditë përgatiten rreth 500 racione, që jepen për ata që kanë nevojë.

Ushqimet blihen nga donatorët, por përgatitja dhe dërgesa bëhet nga vullnetarë që ndihmojnë çdo ditë.
-Po jemi tek 20-25, ndryshon numri.
Ky ishte vullnetari më i ri në moshë që e takuam. Quhet Sami dhe ndihmonte në paketimin e ushqimeve.

“E bëjë gati për atje”
Me iftar nuk shërbehen vetëm vendasit, por edhe këta 4 punëtorë nga Bangladeshi që punojnë në Kërçovë.
Aktivisti Burim Sejdini tregon se angazhimi i donatorëve dhe vullnetare rritet nga viti në vit, madje pa bërë asnjë apel.

“Grupi te Berza, d.m.th. aktivistët janë të njëjtët, por çdo vit kemi shumë e më shumë, shtohen aktivistët, shtohen donatorët, të gjithë kanë dëshirë të bëhen pjesë e këtij iftari tek Berza dhe në një farë mënyre është bërë edhe model në Kërçovë por edhe më gjerë dhe gëzohemi që jemi shembull për diçka të mirë”, tha Burim Sejdini.

Kërçovarët e bëjnë me shumë dashuri këtë punë, andaj organizatorët pohojnë se tradita do të vazhdojë.
“Në një far mënyre gjithë kërçovarët e ndjenjë edhe si obligim që të japin një iftar tek Berza dhe e shohin vetë se iftaret shpërndahen tek nevojtarët dhe jemi përkushtuar që të merremi më shumë me jetimët dhe ata që vërtet kanë nevojë”, deklaroi Sejdini.

Përveç iftareve tek Berza aktivistët dërgojnë iftare edhe nëpër lagje dhe fshatra ku ka nevojë, madje te disa familje më në nevojë dërgojnë edhe pako ushqimore.

VIDEO:

/tv21