Kërçovë: Semimaturantët e SHF “Sande Shterjoski” mbyllin një kapitull të rëndësishëm me ceremoni festive (VIDEO)

Me një atmosferë festive dhe plot emocione, Shkolla Fillore “Sande Shterjoski” organizoi ceremoninë e përcjelljes së gjeneratës së semimaturantëve. Në aktivitet morën pjesë nxënësit, mësuesit, prindërit dhe familjarët, të cilët së bashku shënuan fundin e një periudhe të rëndësishme të arsimit fillor.

Ceremonia u karakterizua nga një organizim modern dhe dinjitoz, duke i dhënë ngjarjes një dimension të veçantë. Të pranishmit patën mundësinë të ndajnë kujtime, emocione dhe urime për të rinjtë që tashmë përgatiten për një etapë të re të shkollimit.

Ky aktivitet vlerësohet si një nga risitë pozitive të shkollës, e cila në vitet e fundit ka shënuar përparime në organizim dhe në përmirësimin e kushteve për nxënësit.

Nën drejtimin e drejtorit Bekim Jusufi, janë ndërmarrë iniciativa të ndryshme që synojnë modernizimin e ambientit shkollor dhe ngritjen e cilësisë së jetës shkollore. Në fund të ceremonisë, semimaturantëve iu uruan suksese në vazhdimin e arsimit dhe realizimin e synimeve të tyre në të ardhmen.

VIDEO:

/votra