Kërçovë: Rreth 200 banorë janë evakuuar dhe strehuar në sallë sporti ?

Shumë pjesë të Kërçovës janë nën ujë. Reshjet e dendura të shiut përmbytën disa zona të qytetit por gjendja alarmante është në lagjen “Prilpeska”.

Rreth 200 banorë janë evakuuar dhe strehuar në sallë sporti.
Shtëpi e bodrume të përmbytura edhe në lagjen Podvarosh, ndërsa Qendra për Menaxhim me Kriza njofton se janë përmbytur edhe disa objekte të Spitalit të Kërçovës.

Kryqi i kuq po grumbullon ndihmë humanitare për personat e prekur nga vërshimet të cilët kanë nevojë për ushqime, ujë, batanije dhe dyshekë.

Situatë e ngjashme edhe në rajonin e Gostivarit. Në Belovishtë në një nga shtëpitë e përmbytura ishin bllokuar një nënë dhe dy fëmijë, të cilët më pas janë shpëtuar nga ekipet e zjarrfikësve. Përmbytje ka edhe në fshatrat Bellovishtë, Ciglanë dhe Banjëçnicë.

/alsatm