Kërçovë: Ndërtimi i një objekti bllokon rrugën..(VIDEO)
Kjo është lagja e quajtur “Balla Mhalla” e Kërçovës, vend i vjetër i qytetit ku veprojnë dhe zanatçinjtë.
Në këtë pjesë të qytetit është ndërtuar një objekt në vendin e paraparë për rrugën “Ohridska” e cila të çon në rrugën “Marshall Tito”.
Me këtë ndërtim siç pohojnë banorët, kjo rrugicë tanimë është uzurpuar dhe banoret e lagjes duhet të shkojnë rreth e rrotull.
Ata kërkojnë që objekti të rrënohet dhe të hapet rruga siç është e paraparë prej kohësh.
“Kjo listë e pronësisë tregon se ai ka vetëm 20 metra katrorë, d.m.th. objekti me ngjyrën e verdhë që është i bërë para 10 viteve, ndërsa pjesa tjetër prej te ulluku deri këndej është vend i uzurpuar. Më herët kishte një barakë, mund ta shihni në foto, ajo barakë u prish më 13 qershor, ndërsa prej më datën 17, 21 deri më 28 objekti është tani siç është në këto dimensione. Ishte e paraparë këtu të hapet rrugë, sepse këtu është parku”, tha ky banor.
“Në këtë vend ku është objekti, kishte një barakë për të cilën gjatë gjithë kohës flitej se do të rrënohet dhe të lirohet rruga, tani xhironi objektin nga ajo anë ku duhet të kalojnë veturat për lartë të shini se rrugica është mbyllur, në vend se objekti që është për zanatçinjtë e vjetër ku ishte objektet për trashëgimi kulturore ku objektet janë shpellë të mbrojtura si kujtime kulturore.
Këtu në vend se të rregullohet diçka po na e mbyllin rrugicën”, tha ky banor.
Avokati i rastit thotë se ka marrë përgjigje nga Komuna se vendi ku është ndërtuar objekti është si trashëgimi kulturore nën mbrojtje të ministrisë së Kulturës. Andaj ai kërkon nga Komuna që të veprohet sa më shpejtë.
“Vendi ku ndodhemi ne, ku ndodhet objekti kemi marr përgjigje nga ana e komunës se është në mbrojtje të Ministrisë së Kulturës, kështu që pa pëlqim të atyre nuk guxohet të ndërtohet ndërsa objekti është ngritur edhe atë përdhese dhe kat dhe ne kërkojmë përgjigje të menjëhershme nga komuna a ka leje ky objekt dhe a posedon dokumentacion vendi a është në pronë të shtetit apo është në pronë private, ne kemi të dhëna se është e paraparë si rrugë”, deklaroi Arian Imeri, avokat.
Ky nuk është problemi vetëm në Komunën e Kërçovës me ndërtimet që po bëhen së fundmi në këtë qytet, problem më i madh lind në momentin që investitorët marrin leje për një ose dy kate ndërtim dhe më pas i ngritin edhe katet lartë duke mos respektuar lejen e dhënë nga komuna. Ditët në vijim TV21 do të kërkoj përgjigje edhe nga Komuna e Kërçovës dhe Ministria e Kulturës në lidhje me objekt.
VIDEO:
/tv21
