Kërçovë: Mërgimtarët nga Amerika kanë dhuruar një piano (VIDEO)

40 familje nga Kërçova, mërgimtarë në Amerikë, janë mbledhur për të blerë një piano dhe për ta dhuruar në Qendrën për Kulturë në Kërçovë.

Për këtë njoftoi sot drejtori i Qendrës për Kulturë, Mazllam Osmani, i cili ishte i ftuar në emisionin “Ditë e Re” në Alsat.

“Kemi një donacion që është në doganë dhe presim javën që vjen ta marrim, nga mërgata në Amerikë.

Janë 40 familje. Ka qenë një iniciativë këtë verë e një shokut tim, Afrim Shabani, i cili jeton në Amerikë. Afrimi u angazhua dhe pianoja është tanimë në doganë”, tha Osmani.

Ai njoftoi edhe se në proces e sipër është edhe projekti i hapjes së një galerie të re në Kërçovë me emrin “Omer Kaleshi”.

VIDEO:

/alsat