Kërçovë: Manifestim Tradicional me rastin e 22 Nëntorit – Ditës së Alfabetit Shqip

INQK “Koço Racin” – Kërçovë si çdo vit ka kënaqësinë t’ju ftojë në Manifestimin Tradicional me rastin e 22 Nëntorit – Ditës së Alfabetit Shqip, që do të mbahet më 22.11.2025 (e shtunë), me fillim nga ora 17:00.

Ky manifestim kulturor-artistik është një festë e gjuhës, dijes dhe kujtesës sonë të përbashkët kombëtare. Dita e Alfabetit Shqip nuk është vetëm një datë historike – ajo është ditëlindja e gjuhës së shkruar, drita e mendimit e mësimit, kujtesa e Manastirit të vitit 1908, ku dijetarët shqiptarë bashkuan alfabetin dhe vendosën themelet e përbashkëta të gjuhës sonë.

Ju ftojmë të ndiqni një program të pasur me këngë, valle dhe poezi, që do të interpretohen nga nxënësit e shkollave fillore dhe asaj të mesme të qytetit:
• SHMK “Drita” – Kërçovë
• SHFK “Sande Shterjoski” – Kërçovë
• SHFK “Rexhë Rushit Zajazi” – Zajaz
• SHFK “Faik Konica” – Greshnicë
• SHFK “Milto Gurra” – Garanë
• SHFK “Gjergj Kastrioti Skënderbeu” – Sërbicë
• SHFK “Naim Frashëri” – Jagoll–Tuhin

Si dhe nga:
Artistët e Shkollës së Valleve Popullore dhe orkestrës pranë Qendrës së Kulturës Kërçovë, nën udhëheqjen e koreografëve Avni dhe Xheneta Zeneli dhe profesorit të muzikës Burim Mehmedi
Përkrahja nga Ministria e Kulturës dhe Turizmit dhe përkushtimi i të gjithë të angazhuarëve paralajmërojnë këtë vit një performancë të denjë për festën e gjuhës dhe identitetit tonë.
Hyrja është e lirë!
Ju mirëpresim me respekt dhe gëzim për ta festuar së bashku këtë ditë të shenjtë të kulturës shqipe! 🇦🇱✨

/ms