Kërçovë: Kontrolle të shtuara në magjistralen që kalon nëpër fshatra..(VIDEO)
Kjo është rruga magjistrale e cila kalon përmes fshatrave të Kërçovës. TV21 gjatë fundjavës doli në teren me policinë rrugore, duke ditur se në këto dy ditë magjistralja është më e frekuentuar për shkak të se qytetarët udhëtojnë drejt Strugës dhe Ohrit.
Tabelat rrugore tregojnë se shpejtësia maksimale me të cilinën mund të lëvizësh është 60 km në orë, për shkak se kalon nëpër zona të banuara.
Për të parë nëse po respektoheshin rregullat, që në orën 8 të mëngjesit, me pajisjet për matjen e shpejtësisë, policia rrugore kishte dalë në rrugë, duke ditur që këtu vozitësit ngasin më shpejtë se sa e lejuara.
Polici: Mirdita zotëri, lejen e vozitjes dhe dokumentet ju lutem?
Polici: A i keni të gjitha pajisjet?
Shoferi : Po gjithçka kam.
Polici: Mirë, urdhëroni. Ditën e mirë, rrugë të mbarë.
Për të kontrolluar patrullën policore dhe çfarë masash kishin ndërmarrë deri më tani, doli edhe përgjegjësi i ndërrimit, para të cilit raportuan policët.
Zëdhënësi i SPB Ohër Stefan Dimoski tha se në 5 muajt e parë të viti 2020 ka pasur 67 aksidente trafiku, ndërsa në 5 muajt e parë të viti 2021 numri është rritur në 78 aksidente.
“Në rajonin e Kërçovës, në 5 muajt e parë të vitit 2021, kishte 78 aksidente trafiku në të cilat nuk kishte asnjë viktimë dhe 7 persona u plagosën rëndë. Në të njëjtën periudhë të vitit 2020, ishin 67 aksidente trafiku me 3 viktima dhe 9 persona të plagosur rëndë. Aksidentet e trafikut ndodhën për shkak të tejkalimit të shpejtësisë në drejtimin e automjeteve. Stacioni policor për sigurinë e trafikut rrugor Kërçovë, vazhdimisht merr masa dhe intensifikon kontrollet e veprimit në mënyrë që të respektohen rregullat dhe rregulloret e trafikut dhe për të rritur sigurinë në komunikacion dhe në atë kornizë sanksionon shoferët që shkelin dispozitat e Ligjit për sigurinë e trafikut rrugor”, deklaroi Dimovski.
Kjo rrugë në pjesën më të madhe kalon mes për mes fshatrave të Kërçovës. Për shkak se ka edhe ka rrezik të madh për njerëzit që jetojnë afër, shpejtësia e lejuar këtu është 50-60 km në orë. Gjatë verës magjistralja rëndohet edhe më shumë, ndërsa policia është e detyruar të dalë në patrullime dhe të ndalojë vozitësit që nuk respektojnë shpejtësinë e lejuar, e që mund të sjellin fatkeqësi në trafik.
VIDEO:
/tv21
