Kërçovë: Ekspozitë personale”Ëndërra”nga Lulzime Osmani

Të nderuar ju ftojmë në ekspozitën personale “ Ëndrra “ nga Lulzime Osmani që do të mbahet më 28.04.2023 në ora 18:00
Ëndrra.

Përmasa artistike ka gjallërinë e vete unikate dhe ajo regjenerohet në arsyen dhe zemrën e artistit në trajtën e posaçme për individin dhe kurrikullumin intelektual të tij dhe mjedisit.

Ashtu sikurse ligjet e natyrës janë të pandryshueshme, por që shfaqen në mjedise të paqëndrueshme, po ashtu edhe Arti i përjetshëm dhe i pandryshueshëm do të na shfaqet në shumë aspekte. I vetëm është arti që nëpërmjet të relativitetit dhe ndryshueshmërisë arrinë që ta bartë në konceptin e vet të përjetshmen.

Shpeshherë një vepër e vetme artistike shihet si një tunel që sa më shumë depërtohet në brendinë e tij aq më shumë zgjatet distanca e të kuptuarit dhe konceptuarit të përgjithshëm të vetë veprës. Posaçërisht arti figurativ është si thellësia e syrit në kahje të pikës së të pamurit në tru. Kjo distancë është e ndriçuar me rrezet e pvadekshme të shpiritit.

Realizmi si-n`ëndërr kërkon jo vetëm kualitetin e imazhit, të kuptuar as nga empatia e as nga analizat abstrakte, por një imazh që patjetërsisht do të `kapet` nga akti i të ëndërruarit. Sa për t`u përmendur se kjo ëndërr qëndron larg `imagjinatës`, për shkak se aspirata e asaj është të tejkalon gjitha kategoritë e vetëdijes dhe të pavetëdijes.

Kracauer përdor shprehjen gjermane `të ëndrrosh pas ndoj gjëje` (einer Sache nachtraumen, f. 256), në kuptimin e asaj që të lidhen gjërat duek i imagjinuar, mu si do të mund të dukeshin në ëndërr. Kjo ëndërr, që rrjedhimisht nuk është edhe ëndërr, e kap realitetin jo me anë të përfaqësimit të tij por me unifikimin e vet me të.

Lulzime Osmani ka paraqitur veprat e saj në pëlhurë në mënyrën abstrakte , me një laramani të ngjzrave të akrillit.
Lulzime Osmani e lindur 03.04.1989 në Kërçovë, shkollën fillore e kreu në shkollën “Rexhë Rushit Zajazi”, në Zajaz, shkollen e mesme e kreu në gjimnazin “Mirko Mileski” në Kërçovë. Mbaroi studimet më 2012 në Fakultetin e Arteve Figurative në Univerzitetin Shtetëror të Tetovës, drejtimi i Grafikës, në klasën e Prof. Nafi Jashari.

Studimet posdiplomike, drejtimi i Grafikës i kreu në Univerzitetin e Hasan Prishtina në Prishtinë në klasën e Prof. Basri Mekolli-it.
Në vitin 2017- mbaroi studimet e Doktoraturës në New Bulgarian University në Sofia të Bullgaris në drejtimin Grafikë ne ateljen e Doc. Mihail Qomakov.

Lulzime Osmani ka marrë pjesë në një numër të madh të ekspozitave kolektive siç janë: Një ditë dhe një natë festive në Kërçovë” 2015 – Kërçovë, “Çmimi i nëntorit”, Gostivar, 2015, “28 Nëntori”, Galeria e arteve, Tetovë, 2015, “Shenja shqiptare” Grafika 2015, Galeria e Artë, Fier, “ 8 Marsi – Perendeshat e miresis “ Galeria e arteve , Tetove 2016, “Dita ndërkombëtare e gruas “ , Kqz.Ereğli- Turqi 2019, “Kolonia’14 e arteve ndërkombëtare “ ,Gostivar 2019, “ Ekspozitë ndërkombëtare e grafikë “ , Strugë 2019, “Online International Art Exhibition “- Indi ,2020, “ Karantina me ngjyra “ -Galeria Qahili-Prishtine, 2020 , “Artistët për Gratë” – Tiranë , 2021…

Gjithashtu ka mbajtur edhe ekspozita personale:
“Imagjinata e strukur” -2014 – Tetovë
“ARTI DËSHMITAR DHE DËSHMOR I KOHËS”-2019 – KIC -Shkup
“Forca artistike” në Galerin e qendrës për kulturë – Gostivar
“Kush jam unë dhe pse jam këtu”, Galeria e arteve Tetovë 2022

Çmimet e fituara :
· Gjatë vitit akademik 2011-2012 fitoi çmimin si studente e dalluar për rezultatet e arritura në Degën e Grafikës.
· “Grafika më e mirë” në ekspozitën “çmimi i nëntorit” në vitin 2015 në Gostivar.

/ms