Kërçovë: „Eko-Aksion“ në disa sektorë

Në kuadër të ditës së sotme, të punësuarit e „Ministrisë së Mbrojtjes me zyrë rajonale“ – Kërçovë, „Qendrës Rajonale për Menaxhimin e Krizave“, „Drejtorisë për Mbrojtje dhe Shpëtim“ – Kërçovë, si dhe të punësuarit e „Qendrës për Shëndet Publik“ – Kërçovë realizuan një “eko-aksion” të përbashkët si dhe rregullim hortikulturor në oborrin e ndërtesës ku kryejnë detyrat e tyre të punës.

Me forca të përbashkëta, përkushtim dhe energji pozitive, ata kontribuan për një mjedis pune më të pastër dhe më të rregullt, duke dërguar një mesazh të fortë për rëndësinë e ndërgjegjësimit ekologjik dhe kujdesit për mjedisin jetësor.

Aktivitete të tilla janë shembull se si bashkëpunimi dhe uniteti mund të sjellin rezultate konkrete dhe të dukshme.

– „Vazhdojmë me aksione të përbashkëta në pranverën e hershme, sepse ndërgjegjësimi ekologjik kontribuon ndjeshëm për një mjedis më të mirë dhe më të shëndetshëm për të gjithë ne“, theksuan përgjegjësit e „njësisë rajonale pranë Ministrisë së Mbrojtjes“ me zyrë në Kërçovë.

„Si institucion, përkatësisht mikrobiologjia pranë „Qendrës për Shëndet Publik Kërçovë“, çdo ditë jemi dëshmitarë se sa i rëndësishëm është një mjedis i pastër dhe i shëndetshëm për parandalimin e sëmundjeve. Këto eko-aksione kanë ndikim të drejtpërdrejtë në shëndetin publik dhe janë një hap i rëndësishëm drejt rritjes së vetëdijes tek të gjithë qytetarët“, theksuan mjeket nga „Qendra për Shëndet Publik Kërçovë“.

– „Aksione të tilla të përbashkëta janë tashmë traditë në ndërtesën ku punojmë dhe do të vazhdojnë edhe në të ardhmen“, theksuan drejtuesit e „Qendrës Rajonale për Menaxhimin e Krizave“ dhe „Drejtorisë për Mbrojtje dhe Shpëtim“.

E përshëndesim këtë eko-aksion, me qëllim që të motivojmë sa më shumë institucione të bëjnë të njëjtën gjë, për një mjedis më të shëndetshëm dhe më të pastër ekologjikisht.

/porta.mk