Kërçovë: Dështon projekti i kanalizimit në rajonin e Zajazit !

Para disa muajsh Komisioni i BE-së përfundinmisht i tërhoqi mjetet e dedikuara për ndërtimin e kanalizimit të ujrave fekal në fshatrat e rajonit të Zajazit në shumën prej 16 milion euro.

Por kreu i komunës së Kërçovës, Fatmir Dehari, shpreson se ky projekt do gjejë mbështetjen e qeverisë, respektivisht me ndarjen e mjeteve nga Qeveria hungareze.

Projekti për ndërtimin e kanalizimit të ujërave fekal në rajonin e Zajazit, ka dështuar, sepse Komisioni i BE-së, para disa muajsh, i ka tërhequr mjetet e miratuara të IPA fondeve në shumën prej 16 milion eurosh për shkak të konteksteve me kompaninë kryesore nga Azerbejxhani dhe tri firmat e këtushme nënkontraktore.

Kryetari i Kërçovës Fatmir Dehari, thotë se vendimi për tërheqjen e mjeteve të IPA fondeve, na ka brengosur të gjithëve, pasi që ky ishte një projekt jetik për banorët e zonës së Zajazit, të cilin komuna e Kërçovës e fitoi në bazë të aplikacionit të qëndrueshëm dhe të arsyeshëm para disa vitesh.

“Ministria e Financave ka sjellë vendim për ndërprerjen e këtij projekti disa muaj më parë. Shpesh drejtohet gishti tek kryetari i komunës si fajtori i gjithë kësaj, por ju mediat jeni dëshmitarë dhe më vjen mirë që i zbardhni këto raste.

Ne jemi ndër komunat e rralla në rajon, jo vetëm në Maqedoninë e Veriut, që arrijmë të shfrytëzojmë mjete të IPA fondeve, duke treguar kapacitetin tonë asministrativ për të arritur deri te këto fonde të BE.

Realizojmë tenderim disa herë, që përsëritet disa herë me radhë, sepse ky projekt është fituar nga ne shumë më herët. Pas disa dështimeve, u zgjodh një firmë nga Azerbejxhani. Filluan punimet me kompaninitë kontraktuese dhe nënkontraktuese dhe pas afron 20 kilometrashtë realizuara, për shkak të mbikqyrjes së mirë, punimet zhvilloheshin me kualitet, por ato fatkeqsisht u ndërprenë”, – thotë Fatmir Dehari.

Megjithatë, Dehari shpreson se ky projekt do të përfundohet me mbështetjen e Ministrisë së Mjedisit Jetësor dhe Planifikimit Hapësinor, e cila do ta ndihmojë përfundimin e punëve me mjetet e kredisë hungareze.

“Unë kam bërë përpjekjet e mia për këtë projekt, duke informuar ministrin e Mjedisit Jetësor dhe Planifikimit Hapësinor, duke ofruar të gjitha argumentet që ky projekt duhet të vazhdojë, dhe unë mendoj që kam arritur ta bindë me fakte dhe argumente se më së pakti jemi ne fajtorë si komunë, qytetarët tanë e meritojnë këtë si taksapagues të këtij qyteti, në veçanti kurbetçarët tanë”, – nënvizon Dehari.

Komuna e Kërçovës ka bërë përpjekje maksimale për sanimin e rrugëve të dëmtuara si pasojë e ndërhyrjeve gjatë punimeve, ndonëse është obligim i kompanisë realizuese që rrugët ti këthejë në gjendjen e mëparshme, thotë Dehari, duke shtuar se administrata komunale ka aplikuar edhe për financimin e asfaltimit të këtyre rrugëve nga mjetet hungareze.

/(TVM2)