Kërçovë: Dëme të mëdha materiale pas përmbytjeve! (VIDEO)

Shtëpi të mbushura me ujë, mobile të lagura, makineri të prishura, teknikë e bardhë jo funksionale, vetura të bllokuara.
Kjo është gjendja një ditë pas vërshimeve në lagjet e Kërçovës.

Në lagjen Podvarosh ka afër 50 shtëpi të përmbytura që janë rreth lumit të Zajazit, banorët tregojnë tmerrin e përjetuar.
“Deri më tani përmbytje të këtilla nuk kemi parë, u përmbytëm për 10 minuta”

” Për gjysmë ore u mbushëm me ujë këtu arriti deri në një metër, ja e shihni nivelin e ujit tek shtëpia deri ku ka arritur”
“Arrita të largoj vetëm dy veturat nga garazhi kaq ishte, në orën 11 ishte deri këtu, për një orë e gjysmë maksimum”

Uji është tërhequr por dëmet janë të mëdha dhe të pariparueshme sidomos në lagjen Prilepska ku shtëpitë ishin të mbuluara pothuajse deri në çati.
“Tani ka hyrë deri në çati, ne nuk kemi zgjidhje që të kthehemi në këto shtëpi për ketë kërkoj deri te qeveria dhe institucionet që të gjejnë një zgjidhje për ne”

“Nuk mund të hyjmë as brenda kanë rënë edhe muret edhe gjithçka në shtëpi nuk hyhet nuk mund të jetosh, në rrugë jemi ”
Janë mbi 200 banorë të evakuuar në Sallën e sportit Ivanidoll, disa nga to posedojnë edhe banesa sociale me dokumente por që nuk i kanë marr ende. Ata kërkojnë që ato banesa tu jepen tani.

“Kjo është për keqardhje me gjithë fëmijë jemi në rrugë, nuk kemi ku të shkojmë si unë ashtu edhe ata”
“Nga 30 banesa a ishin mbi 200 ja janë me vulë me emër dhe mbiemër çfarë është problemi tani pse nuk i japin”

“Këto që na janë dhënë numrat për banesat i kemi paguar ka 200 euro, ne poshtë tek lagia nuk kemi vend për të jetuar më”
“Po duam ti marrim banesat për shkak se na u përmbyten shtëpitë të gjitha dhomat”

Ekipet komuna si dhe Kryqi i Kuq Kërçovë po qëndrojnë në teren për të pastruar shtratin e Lumit dhe për tju ndihmuar të evakuuarve.

VIDEO:

/tv21