Kërçovë: Banorët kthehen, dëmet mbeten të mëdha!

Banorët që pësuan dëme nga përmbytjet në Kërçovë dalëngadalë po kthehen në shtëpitë e tyre.
Në pastrimin e hapësirave kanë ndihmuar institucionet dhe ushtria.

Banorët thonë se pas përmbytjeve është vështirë të jetohet këtu pasi që çdo gjë që kanë pasur brenda shtëpive është prishur.
-Momentalisht u kthyem në shtëpi, por situata është kritike ende nuk është pastruar, ende nuk është tharë.

-Nuk kemi asgjë në shtëpi, flemë në tokë. Duhet të na ndihmojë kryetari.
-Vetë kemi bërë bira dhe me zorrë vetë i kemi pastruar, shtëpitë janë bërë mbi mua kështu, gjithçka që kishim nëpër shtëpi janë shkatërruar.

-Mundohemi të pastrojmë por nuk mundemi këtu është katastrofë, nuk jam vetëm unë ajo që është përmbytur. Ne falënderojmë zotin që nuk kishte viktima.
Në sallën e sportit Ivanidoll ku u evakuuan banorët tanimë ka mbetur vetëm kjo zonjë e cila thotë se është e sëmurë dhe është operuar.

-Të vendosin se ku do të më çojnë unë nuk kam asgjë sepse gjithçka është shkatërruar atje, unë jam bërë 4 herë operacion, tani jam operuar, me plasi operacioni nga vërshimet.

Në teren ishin organet kompetente për të evidentuar dëmet në këtë lagje, që më pas në bazë të vlerësimit, të caktohet edhe dëmshpërblimi për banorët që pësuan nga përmbytjet pas daljes së Lumit Zajazi nga shtrati.

VIDEO:

/tv21