Kërçovë: Banorët e fshatit Leshnicë nuk do ecin më nëpër baltë..(VIDEO)

Ecnin rrugëve me baltë, të pa shpresë dhe të revoltuar. Kjo ishte gjendja e banorëve të fshatit Leshnicë të Kërçovës dy muaj më parë, kur i vizitoi TV21.
Por sot ata plot gëzim e dashamirësi po shëtisin rrugëve dhe rrugicave të fshatit të cilat tashmë kanë filluar të shtrohen dhe zgjerohen.

“Atë që e premtoi është duke e realizuar, dhe jemi aq të kënaqur si fshat që skam si ta numëroj, jemi tepër të kënaqur”, u shpreh një banor.
“Jemi shumë të kënaqur sepse ishte një prioritet, për këta banorë të cilët me të vërtetë, shkelnin mbi baltë. Mirëpo sot erdhi koha që edhe ky projekt me mund dhe sakrificë të realizohet. Të gjitha fshatarët jo vetëm në fshat por edhe në diasporë janë tej mase të kënaqur”, tha një tjetër banor.

Në këtë fshat takuam edhe kryetarin e Komunës së Kërçovës Fatmir Deharin i cili po inspektonte punimet. Tha se banorët i japin motiv që ai të punojë në çdo lagje dhe vendbanim.
“Na kanë besuar vite me radhë, dhe nuk ka gjë më të mirë nuk ka pasuri më të madhe se sa dashuria që ta japin njerëzit, mikpritja dhe respekti. Dhe unë sot në këtë fshat kaq të respektuar ndihem shumë mirë me mikpritjen, dashurinë dhe respektin që më japin dhe ky është motivi më i madh për të vazhduar sadoqoftë ai vendbanim i madh apo i vogël, të kryej obligimet dhe kërkesat e qytetarëve në çdo cep të këtij qyteti, kësaj komune qoftë brenda hapësirës urbane apo në vendbanimet rurale”, deklaroi Fatmir Dehari – kryetar i Komunës së Kërçovës.

Në këtë fshat do të sanohen edhe gropat në rrugën kryesore e cila të shpije deri në fshat. Dehari tha se për këto muaj para zgjedhjeve lokale ka edhe disa projekte madhore për ti përfunduar. Ai tha se periudha e pandemisë bëri që disa projekte të mbeten pas por për këto muaj do të arrijë ti kompensojë të gjitha.

VIDEO:

/tv21