Kërçovë 16 milionë euro është buxheti për vitin 2023..(VIDEO)
Në debatin publik për buxhetin e Komunës së Kërçovës për vitin 2023, kryetarët e bashkësive lokale përsëritën kërkesat e tyre për ndërtimin e rrugëve dhe rrugicave, ujësjellësin si dhe zgjidhjen e problemit të deponive.
Këto kërkesa ata i kanë parashtruar disa herë radhazi deri te kryetari i Komunës së Kërçovës.
Fashti Premkë kërkoi rregullimin e rrugës Shutovë-Premkë.
“Në Premkë, asfalt nuk është vendosur asnjë lopatë, rrugën e ke bërë deri në Shutovë, por nga Shutova në Premekë ka 800 metra, nuk është e realizuar, d.m.th. këtë duhet ta realizosh”
Lagjja Ivanidoll ndër të tjera kishte kërkesë edhe ndërtimin e një shkollë.
“Kam një kërkesë për ndërtimin e një shkolle, sepse atje jetojnë mbi 2000 qytetarë”
Fshatrat Drogomisht i Madh dhe i Vogël kërkuan zgjerimin e rrugës kryesore të dy fshatrave.
“Zgjerimin e rrugës prej te policia deri në hyrje të fshatrave, të paktën gjysmë metër”
Fshati Sërbajn kërkoi rrjetin e ujësjellësit për vitin 2023.
“Një është rrjet ujësjellësi sepse fshati Sërbjan ka 155 shtëpi aktive”
Fshati Zajaz përsëriti kërkesën për ndërtimin e disa rrugicave në këtë fshat.
“Rregullimi i rrugës prej te Nëna Shqiptare deri në Zabel”
Fshati Baçishtë i Kërçovës kishte më shumë kërkesa edhe ato ishin:
“E para shtratin e lumit, tjetër kanalizimi, e treta muret mbrojtëse. Vetë Fatmir Dehari tha se do t’i bëjë muret mbrojtëse”
E fshati Cërvicë kërkoi zgjidhjen e problemit me mbeturinat duke kujtuar agjendën e gjelbër të cilën BDI e paraqiti në këto zgjedhje lokale.
“Çfarë do të bëjmë me punën e mbeturinave, ne bashkë hyjmë me një agjendë të gjelbër në votimet e fundit dhe duhet të dalim me atë agjendë të gjelbër e jo me një agjendë të qelbur”
Kryetari i Komunës Fatmir Dehari premtoi se do t’i realizojë kërkesat e qytetarëve duke kërkuar nga bashkësitë lokale të zgjidhin problemet pronësoro juridike që të mos hasin në probleme.
Buxheti i komunës së Kërçovës për vitin 2023 është 16 milionë euro.
Janë paraparë edhe projekte kapitale, si ndërtimi i kanalizimit të shumë pritur Zajaz-Drugovë, ndërtim çerdhesh, rinovim shkollash, mjete për sport, kulturë dhe të tjera.
VIDEO:
/tv21
