Kërçovarja nga Zvicra Lajla Balla debuton me reprezentacionin e Maqedonisë W-U17

Futbollistja kërçovare Lajla Balla është ftuar në grumbullimin e reprezentacionit të Maqedonisë së Veriut W-U17 nga selektorja Katerina (Kate) Mileska, së bashku me ndihmësit e saj Lirim Bajrami dhe Oliver Jovanovski.

Në kuadër të përgatitjeve që po zhvillohen në Strumicë, Lajla sot realizoi debutimin e saj kundër reprezentacionit të Maqedonisë së Veriut U 19 .
Ndeshja u zhvillua me intensitet të lartë dhe me shumë aksione nga të dyja skuadrat, duke përfunduar me rezultatin 2:2.

Lajla pati një paraqitje të jashtëzakonshme në debutimin e saj të parë, duke treguar cilësi dhe potencial të madh. Vlen të theksohet se ajo aktivizohet te klubi zviceran FC Luzern, ndërsa para saj pritet një karrierë premtuese në futboll.

Stafi teknik i reprezentacionit të Maqedonisë së Veriut W-U17 i ka uruar mirëseardhje dhe shumë suksese në rrugëtimin e saj futbollistik

/tvgurra