Kërçovari Shemshedin (Sam) Beqiri zgjidhet si këshilltar për marrëdhëniet me SHBA-në.
Bashkimi Demokratik për Integrim njofton se sot, më 23 dhjetor 2025, në Tetovë, Kryetari i BDI-së, z. Ali Ahmeti, ka thirrur dhe drejtuar mbledhjen e parë të Kryesisë së Këshillit të Përgjithshëm. Mbledhja shënon fillimin e punës së këtij organi të rëndësishëm drejtues të partisë.
Në këtë takim u miratua Rregullorja e punës së Kryesisë dhe u morën vendime për organizimin e sekretariateve dhe strukturimin e mëtejmë të partisë. U emëruan Faton Ahmeti si Shef Kabineti, Arta Bilalli-Zenedeli si zëdhënëse e BDI-së dhe Shemshedin (Sam) Beqiri si këshilltar për marrëdhëniet me SHBA-në.
Po ashtu, u bënë publike emërimet e kryetarëve të degëve në Tetovë, Kumanovë, Strugë, Gostivar dhe Çair. BDI thekson përkushtimin për forcimin e strukturave dhe avancimin e reformave të brendshme.
• Tetovë: Bajram Rexhepi
• Kumanovë: Ridvan Asani
• Strugë: Faton Pollozhani
• Gostivar: Valdet Xhaferi
• Çair: Bujar Osmani
Gjithashtu, Kryetari dha orientime për të gjithë të ngarkuarit si kryetarë degësh të kryejnë detyrimet programore dhe statutare për organizimin dhe konsolidimin e nëndegëve dhe degës përkatëse.
/tvgurra
