Kërçovari Ilir Dushku shpallet studenti më i mirë i gjeneratës në UE (VIDEO)

Në ceremoninë e diplomimit të studentëve në Universitetin e Evropës Juglindore, studenti kërçovar Ilir Dushku, shpallet studenti më i mirë i gjeneratës.
Fjalimi i tij para studentëve dhe stafit akademik, ishte një emocion i veçantë, inspirim dhe mesazh për studentët dhe shtresat rinore në sfidat jetësore për një arsim cilësor dhe perspektivë zhvillimore.

Në prezentimin e tij, gjatë solemnitetit të organizuar me rastin e diplomimit të gjeneratës së 22-të me radhe të këtij universiteti, ai u shprehu mirënjohje të gjithë atyre që ishin pjesë e këtij rrugëtimi të suksesshëm në fushën e dijes, profesorëve, studentëve të gjeneratës dhe anëtarëve të familjes së tij, të cilët e mbështetën gjatë periudhës 4 vjeçare të studimeve universitare, e cila u kurorëzua me aktin e diplomimit dhe cilësimin “Studenti më i mirë i gjeneratës”, që erdhi si rezultat i frymëzimit, bashkëpunimit dhe dashurisë.

Me rezultatin e arritur, studenti Ilir Dushku, dëshmon kapacitetin e tij në fushën e dijes dhe përkushtimin për sfidat e radhës në studimet pasuniversitare.

VIDEO:

/kercova.net