Kërçovari Festim Ademi Doktor i Shkencave në Ndërtimtari

Kur përkushtimi dhe sakrifica kurorëzohen me sukses shkencor
Një rrugë e gjatë pune, përkushtimi dhe sakrifice është kurorëzuar me sukses për Festim Ademin, i cili ka fituar titullin Doktor i Shkencave në Ndërtimtari.

Lajmin e ka bërë të ditur vetë Ademi përmes një postimi në rrjetet sociale, ku ka ndarë emocionet dhe mirënjohjen për të gjithë ata që e kanë mbështetur në këtë udhëtim akademik.

Sipas tij, kjo arritje përfaqëson jo vetëm një sukses personal, por një proces të gjatë akademik të ndërtuar mbi studim të vazhdueshëm, kërkim shkencor, punë laboratorike, analiza dhe përgjegjësi profesionale.

“Falënderoj sinqerisht familjen time për mbështetjen e pakushtëzuar, durimin dhe besimin e pandërprerë gjatë gjithë këtij udhëtimi. Pa ta, kjo rrugë nuk do të ishte e mundur”, shkruan Ademi.
Ai ka shprehur mirënjohje të veçantë për profesoreshën dhe mentoren e tij për udhëzimin akademik dhe standardet e larta profesionale, si dhe për komisionin, recensentët dhe bashkëpunëtorët për vlerësimin objektiv dhe kontributin shkencor.

Në fund, Ademi falënderon kolegët, studentët dhe miqtë për mbështetjen dhe inkurajimin, duke theksuar se kjo arritje është rezultat i bashkëpunimit dhe besimit të shumë njerëzve.
“Kjo arritje nuk është vetëm e imja. Është rezultat i përkrahjes, besimit dhe bashkëpunimit të shumë njerëzve”, përfundon ai.

/votra