Kërçovari edhe pse golashënuesi më i mirë “Nuk” merr ftesë nga Kombëtarja U18 e Maqedonisë?!

Kjo është e pabesueshme dhe fatkeqësisht vetëm në shtetin tonë mund të ndodhë një padrejtësi e tillë. Në vendet evropiane, një talent që dëshmohet me punë, gola dhe performancë në fushë, vlerësohet dhe mbështetet menjëherë.

Po shtrohet pyetja: çka është më e vështirë në një ndeshje futbolli?!
Padyshim që më e vështirë është të shënosh gol!
Jemi dëshmitarë të shumë ndeshjeve ku 20 lojtarë në fushë vrapojnë dhe japin maksimumin për 90 minuta, ndërsa ndeshja përfundon 0:0. Ndërsa në rastin e Antianit, në 90% të ndeshjeve ai nuk ka lejuar që ndeshja të përfundojë pa gol të shënuar. Kjo tregon qartë cilësinë, instinktin dhe talentin e tij si sulmues.

Pse duhet të paguajmë para që Antiani të jetë pjesë e Kombëtares U18, kur ai është një supertalent dhe puna e tij flet më shumë se çdo fjalë?!
Futbolli nuk duhet të funksionojë me interesa apo favore, por me meritë, disiplinë dhe cilësi.

Nuk është aspak rastësi që niveli i sportit, e sidomos i futbollit tonë, ndodhet në këtë gjendje ku është sot. Kur talentet injorohen, ndërsa të tjerët favorizohen, atëherë humbësi më i madh është vetë sporti dhe e ardhmja e tij.

Nuk kërkoj lëmoshë, kërkoj drejtësi dhe jo vetëm.
T’u hapet rrugë dhe t’u krijohen mundësi të gjithë talenteve të rinj, jo me njoftësi e ryshfete!!!

/ms