Kërçovari dhe Aktivisti nga Amerika pritet nga Zv.Kryeministri i Kosovës

Aktivisti dhe regjistori i njohur shqiptar që jeton në SHBA, Ramazan Hajdini sot është pritur në një takim të veçantë nga zëvendëskryeministri i Qeverisë së Kosovës, Besnik Bislimi.
Regjisori Hajdini me origjinë nga Kërçova që jeton në Çikago të SHBA-ve ka njoftuar se ka pasur një pritje dhe takim të ngrohtë me zëvendëskryeministrin Bislimi, ku janë dorëzuar materiale dhe dëshmi për dëmet e luftës dhe gjenocidin në Kosovë të realizuar nga ushtria dhe policia serbe.

Hajdini këto materiale i kishte realizuar përmes një projekti të inicivar nga ai dhe që ishte realizuar në zonat e prekura rëndë gjatë periudhës së luftës së 1999.
Ai ka thënë se në takim ka shpalosur idenë për ndërtimin e një Muzeu të Gjenocidit, një ide të shpalosur në vitin 2000, por që sipas tij, atëkohë kishte marrë kërcënime për heshtur për këtë projekt.

“Faleminderit Zëvendës Kryeministrit të Kosovës Z. Bislimi dhe stafit të tij për pritjen e ngrohtë! Veçanërisht falënderoj z. Faton Bislimi i cili ndihmoi në këtë takim. Unë dua të përgëzoj përfshirjen e drejtpërdrejtë të KM Kurti në seriozitetin e mbledhjes së fakteve për dëmet e luftës dhe gjenocidin e kryer nga ushtria dhe policia serbe në Kosovë nga 1987 deri në 1999 i cili përfundoi me çlirimin e Kosovës! Gjatë luftës, unë kisha një projekt dhe disa inçizime autentike pas dëmeve të luftës (fatkeqësisht rreth 100 kaseta një orëshe i humbëm në pritë nga agjentët e UDB-së në pikën e armës, por disa inçizime mbijetuan) dhe unë propozova Qeverinë e Kosovës në 2000 për të vazhduar mbledhjen e fakteve së pari dhe ndërtimin e Muzeut të Gjenocidit.

Jo se ata nuk e mbështetën projektin por unë mora kërcënime për ta braktisur atë! Sot i dorëzova zyrës së Kryeministrit Kurti kasetat që mbijetuan dhe e përgëzoj Qeverinë e re të Kosovës për seriozitetin e projektit në mbledhjen e provave për dëmet e luftës dhe gjenocidin e kryer nga Serbia dhe ndoshta nesër ndërtimin e një Muzeu të Gjenocidit!” ka thënë Hajdini.

Sipas tij, nuk duhet të harrohet ajo që ka ndodhur dje, nuk duhet të harrohet humbja e fëmijëve tanë të dashur, nënave, baballarëve, gjysheve dhe të gjithë civilëve të pafajshëm që rrane viktima të regjimit brutal fashist të Serbisë.

/(INA)