Kërçovari Abdulla Ahmedi bëhet Magjistër i Financave!
Sot mbrojta me sukses temën time të masterit në Universitetin e Evropës Juglindore, duke përmbyllur një etapë shumë të rëndësishme të rrugëtimit tim akademik. Ky sukses është rezultat i punës së palodhur, përkushtimit, sakrificës dhe besimit se çdo sfidë tejkalohet me vullnet dhe këmbëngulje.
Në këtë ditë të veçantë, dua të shpreh mirënjohjen time më të sinqertë për familjen time, e cila ka qenë mbështetja ime më e madhe në çdo hap të këtij rrugëtimi. Faleminderit për dashurinë, besimin, durimin dhe sakrificat tuaja. Çdo arritje që kam sot është edhe meritë e juaja, prandaj me gjithë zemër këtë sukses ua dedikoj juve.
Falënderoj gjithashtu shoqërinë time, e cila ka qenë gjithmonë pranë meje me mbështetje, motivim dhe besim. Prania juaj në çdo sfidë e ka bërë këtë rrugëtim më të lehtë dhe më të bukur.
Një mirënjohje e veçantë shkon për mentoren time, Assoc. Prof. Dr. Shpresa Alija, për udhëheqjen profesionale, përkushtimin, këshillat e vlefshme dhe mbështetjen e vazhdueshme gjatë gjithë këtij procesi. Kontributi i saj ka qenë i çmuar në arritjen e këtij suksesi.
Ky është vetëm një hap drejt synimeve edhe më të mëdha. Me të njëjtin përkushtim dhe vullnet do të vazhdoj të punoj, të mësoj dhe të kontribuoj në fushën e financave.
“Financat janë arti i shndërrimit të mundësive në vlerë, ndërsa dija është kapitali që nuk zhvlerësohet kurrë.”
Shkruan Abdulla Ahmedi nga fshati Tuhin i Kërçovës në facebook.
/ms
