Kërçovari 27 vjet endet nëpër gjykata..!? (VIDEO)
Ky është Emin Emini nga fshati Drugovë i Kërçovës. Thotë se ky vend prej 824 m2 është pronë e tij dhe pretendon se ia kanë uzurpuar. Aty është ndërtuar sallë dhe një klasë e shkollës fillore.
“Këta e kanë marr vendin dhe e kanë bërë asfalt, pa vendim për uzurpim dhe jam nëpër gjykata 27 vite prej 1998. Ma kanë uzurpuar vendin, 824m2 m’i kanë marrë”, tha Emin Emini.
Sipas tij, vendimi për ndërtimin është marrë pa pëlqimin dhe dijeninë e familjes Emini.
“Në vitin 1980 kur nxora elaboratin doli se kanë hyrë me sallën dhe klasën. Ne nuk kemi ditur se ata e kanë marrë. Kanë hyrë vetëm me sallën 64m2 në vendin tim, kush ka ditë atëherë nuk kemi pas nevojë ta matim”, shtoi Emin Emini.
Emini për 27 vite po endet dyerve të gjykatave. Lënda ka qenë edhe në Gjykatën e Gostivarit por nga atje i kanë thënë se nuk ka bazë. Në nëntor pritet edhe një vendim gjyqësor në Kërçovë.
“Ne nuk mund të prishim sallën ose klasën, por të merremi vesh të na japin vend tjetër ose para. Nuk mund të merresh vesh me këto vjedhës. Nuk kemi shtet të tregoj drejt, nuk ka drejtësi ta dish”, deklaroi Emin Emini.
Emini thotë se nuk dorëzohet – drejtësi do të kërkojë edhe në Gjykatën e Strasburgut!
TV21 ka pyetur edhe në gjykatën e Kërçovës për lëndën në fjalë, por deri më tani pa përgjigje. Presim që një qëndrim ta marrim ditëve në vijim.
VIDEO:
/tv21
){kind=link}