Kërçovarë falëm Namazin e Bajramit në xhaminë tonë, si PRONAR dhe jo si QIRAXHI (FOTO)

Një kënaqësi e pa përshkruar kur mbi 2000 Kërçovarë falëm Namazin e Bajramit në xhaminë tonë, si PRONAR dhe jo si QIRAXHI.

Një moment që nuk përshkruhet kur shikon që krejt hapsirat ( faltorja e burrave, faltorja e grave, restoranti i burrave, restoranti i grave, salla per ngushellime dhe salla për tribuna ) të jenë të mbushura, ku çdo kush e ndjente veten se është në shtëpinë e tijë.

Imami Vullnet Ilazi shpërndau edhe dhurata për fëmijët që ishin në Xhami.
Ishte nje krenari dhe një moment i pa përshkruar për Kërçovarët e Zvicrës, që më në fund, kishim mundësinë të falim Bajramin në pronën tonë, të cilën e ka mundësuar përkushtimi dhe sakrifica e çdo individi.

Ky moment na tregon se jemi të bashkuar dhe të fuqishëm, dhe se është një pasuri që do të na shërbejë brez pas brezi. Xhamia jonë është një simbol i vlerave tona, i besimit dhe i përkushtimit për të ruajtur traditat dhe besimin tonë në një vend të huaj.

Urime çdo Kërçovari dhe Kërçovarje në këto ditë të bekuar të Bajramit. U bëftë ky Bajram një bekim për të gjithë ne, për paqen dhe harmoni në jetën tonë.
Me shumë respekt dhe urime,
Kryesia e Xhamisë Kërçova

/ms