Kërçova në shenjë të artit: Fillon “Qyteti i Kulturës 2026”

Me shfaqjen e dramës “Kec në dhjetë”, në produksion të Teatrit Popullor Maqedonas, nesër, të enjten (5 mars 2026) në orën 20:00, në skenën e Qendrës së Kulturës “Koço Racin”, solemnisht nis manifestimi “Kërçova – Qyteti i Kulturës 2026”.

Magjia skenike që do të sjellin aktorët dhe duartrokitjet e publikut do të shënojnë simbolikisht fillimin e programit kulturor që do të sjellë mbi 150 ngjarje kulturore: shfaqje teatrale, koncerte muzikore, ekspozita, festivale dhe projekte të shumta kreative. Në muajt që vijnë, Kërçova do të jetojë në ritmin e kulturës dhe artit, duke u shndërruar në një skenë dinamike ku çdo ngjarje do të zgjojë emocione, do të bashkojë njerëzit dhe do të krijojë momente të paharrueshme.

Manifestimin do ta shpallë të hapur kryetari i komunës, Aleksandar Jovanovski, i cili do t’u drejtohet të pranishmëve me një mesazh të fuqishëm se arti është forcë që bashkon dhe frymëzon.

/ms