Kërçova ndër qytetet me përqindjen më të lartë të vdekjeve nga kanceri ?

Kërçovë po përballet me një shqetësim serioz shëndetësor, pasi sipas të dhënave dhe vlerësimeve të fundit, ky qytet renditet ndër zonat me përqindjen më të lartë të vdekjeve nga Kanceri.
Ky fenomen ka ngritur shqetësime të mëdha në mesin e qytetarëve dhe profesionistëve të shëndetësisë.

Ekspertët theksojnë se faktorë të ndryshëm mund të ndikojnë në rritjen e rasteve, përfshirë ndotjen e mjedisit, stilin e jetesës, ushqimin dhe mungesën e kontrolleve të rregullta mjekësore. Një nga shqetësimet kryesore të ngritura nga banorët lidhet edhe me tymin dhe ndotjen që vjen nga TEC Osllomej.

Po ashtu, problem mbetet edhe hedhja e mbeturinave, ndotja e lumenjve dhe e ujit, të cilat sipas banorëve ndikojnë negativisht në mjedis, në bimësi, në lulet dhe në mjaltin që prodhohet në këtë zonë.
Për këtë arsye kërkohet më shumë vëmendje nga institucionet shëndetësore dhe autoritetet lokale për të ndërmarrë masa konkrete në parandalimin dhe diagnostikimin e hershëm të sëmundjes.

Banorët dhe organizatat lokale bëjnë thirrje për më shumë investime në sistemin shëndetësor, përmirësim të kushteve mjedisore dhe organizim të fushatave ndërgjegjësuese për kontrolle të rregullta mjekësore. 🩺

/votra