“Kërcënon” Haradinaj: Postin e presidentit me çdo kusht
Haradinaj kërkon postin e presidentit me çdo kusht, në të kundërtën vendi shkon në zgjedhje. Kryetari i AAK-së shpreson në një marrëveshje për pozitën e presidentit, në të kundërtën vendi shkon në zgjedhje.
Partia e tij në gusht të këtij viti shpalli kandidaturën e kreut të saj, Ramush Haradinajt për president.
Por takimi që një ditë me parë kishte me Thaçin dhe Veselin, nuk i ka dhënë shumë siguri Haradinajt se ai mund të bëhet president.
Për T7, ish kryeministri ka thënë që janë në diskutim me partnerët për këtë punë.
E nëse nuk gjindet një zgjidhje me Ramushin president, atëherë vendi sipas tij, do të shkojë në zgjedhje.
Ish kryeministri tutje nuk e mohon mundësinë e inkuadrimit të PDK-së në qeveri. Këtu tregon edhe vullnetin e Vetëvendosjes për këtë temë.
Më tej Haradinaj tha se pret të hedhet poshtë aktakuza ndaj Thaçit e Veselit.
/infoshqip
