Kastriot Iseini: Unë Nuk Hyj në Politikë! Aspirata Ime Është Drejtësia, Jo Përçarja e Kërçovarëve!

Dua të reagoj qartë dhe me vendosmëri ndaj lajmeve të pavërteta që po qarkullojnë rreth meje. Nuk kam dhe nuk do të kem aspirata politike! Synimi im nuk është të jem kandidat apo të përfshihem në lojëra politike, por të mbroj drejtësinë dhe të kontribuoj për të mirën e Kërçovës sonë.

Si qytetar i Kërçovës dhe pjesë e diasporës, kam të drejtën të reagoj ndaj dukurive që dëmtojnë shoqërinë tonë, por kjo nuk më bën politikan dhe as nuk më lidh me ndonjë agjendë politike. Përpjekjet për të më përfshirë në përçarje apo për të më keqinterpretuar qëllimet janë të pavërteta dhe të qëllimshme.

Unë besoj se diaspora jonë ka njerëz të mençur dhe të aftë, të cilët duhet të udhëheqin mbi baza të ndershme, jo mbi dallavere dhe përçarje. Jam dhe do të jem gjithmonë në shërbim të unitetit dhe drejtësisë, jo të interesave personale apo pushtetit.

Kërçovarët meritojnë bashkim, jo ndarje nga ata që përfitojnë nga intrigat. Çdo përpjekje për të më përfshirë në politikë është vetëm një manipulim i vrazhdë dhe i papranueshëm!
Shkruan biznismeni nga Zvicra Kastriot Iseini në facebook.

/ms