Kasami: Nuk jam i kënaqur me performancën e funksionarëve, nesër vendosim për hapat e radhës

Kryetari i Lëvizjes Besa dhe njëri nga liderët e koalicionit VLEN, Bilall Kasami, ka deklaruar se nuk është i kënaqur me performancën e disa funksionarëve në ekzekutiv, duke paralajmëruar vendime të reja shumë shpejt.

Ai theksoi se rezultatet e deritanishme nuk kanë qenë në nivelin e pritshmërive dhe se përgjegjësia për mungesën e efikasitetit duhet të adresohet.

Sipas Kasamit, nesër pritet të merren vendime konkrete për hapat e radhës, duke mos përjashtuar ndryshime dhe shkarkime në raste ku konstatohet mungesë e rezultateve të matshme. Ai nënvizoi se angazhimi dhe llogaridhënia janë thelbësore për funksionimin e suksesshëm të qeverisjes.

/tvgurra