Kaos në Aeroport! Mërgimtarët bllokohen 2 ditë nga “Wizz Air”..!?
Qindra pasagjerë shqiptarë kanë mbetur të bllokuar në aeroportin Berlin Brandenburg për dy ditë rresht, pa asnjë zgjidhje nga kompania ajrore Wizz Air. Sipas raportimeve nga pasagjerët, fluturimi i tyre drejt Tiranës është shtyrë vazhdimisht, me kompaninë që premton nisje çdo dy orë, por pa rezultat.
Situata është përkeqësuar nga mungesa e informacionit të saktë dhe trajtimi i papërshtatshëm i udhëtarëve, mes të cilëve ka edhe fëmijë të vegjël. Pasagjerët janë detyruar të bëjnë disa herë procedurat e check-in dhe check-out, ndërsa justifikimi i ofruar nga Wizz Air lidhet me një defekt teknik të avionit.
Një pjesë e udhëtarëve shprehen të indinjuar nga vonesat e vazhdueshme dhe premtimet e pambajtura. Ata theksojnë se një avion nga Roma është dërguar në Berlin posaçërisht për këtë fluturim, por pavarësisht kësaj, nisja ka vazhduar të shtyhet. Për disa, situata është bërë e padurueshme dhe krahasohet me një trajtim të papranueshëm edhe për vendet me standarde më të ulëta të shërbimit ajror.
Ndërkohë, nuk ka ende një reagim zyrtar nga kompania për këtë situatë, ndërsa pasagjerët vazhdojnë të presin me pasiguri për kthimin e tyre në Shqipëri.
Denoncimi 1
“pershendetje te nderuar , kam nje denoncim per Wizz Air ,dita e 2 eshte sot qe po presim ne airport berlin brandenburg , dhe spo na japin asnje prrgjigje vetem na genjejn po na thone gjdo 2 ore po e shtyn fluturimin dhe nuk vjen asnje , dje u eshte prishur thon dhe spo bejn asnje gje per pasagjeret , po vuajm na mbyten , te lutem anonim”
Denoncimi 2
“Pershendetje JOQ lutem postoje.jemi rreth 200 shqiptar qe presim qe nga dita e djeshme te nisemi nga Berlini per ne Tirane Wizz Air genjen duke na shtyr oren e nisjes me preteks sot qe eshte nisur Avioni nga Roma per ne Berlin posacerisht vetem per ne.e pa pranueshme as ne Afrike sbesoj qe te tallen kshu qytetaret jemi dhe me fmije te vegjel. Jemi per rekord Gines!! me prekteksin ka defekt avioni kemi ber 5-6 her check in check out lutem postojeni anonim ju lutem eshte e pa pranueshme dhe sot po bejn te njejten gje na than vjen avioni nga roma ne 9 ne oren 11 do niseni na nxorren jasht spo themi gje per 5-6 ore po shkon 48 ore”.
/portalimergata
