Kalliri i Mirësisë – Kërçovë Renovon dhe pastron gjeneral shtëpinë e një familje në nevojë (FOTO)

Organizata Humanitare “Kalliri i Mirësisë Kërçovë” , ka ndërmarrë një aksion solidar për përmirësimin e kushteve jetësore të një familjeje gjashtëanëtarëshe, nga të cilët katër janë fëmijë. Familja jetonte në një ambient jashtë çdo standardi të pranueshëm për jetë dhe higjienë alarmante.

Pas një vlerësimi në terren, ekipi i aktivistëve tanë realizoi:
Pastrim të thellë dhe dezinfektim kimik të të gjithë hapësirës së brendshme;
Lyerjen e mureve të mbrendëshme;
Rregullimin e kanalizimit dhe sistemit të ujësjellësit;

Largimin e mobiljeve dhe pajisjeve të papërdorshme;
Pajisjen e familjes me një kuzhinë të re dhe mobilje funksionale;
Sigurimin e veshmbathjeve të reja për të gjithë anëtarët e familjes;

Ky aksion kishte për qëllim jo vetëm përmirësimin e menjëhershëm të kushteve të jetesës, por edhe rikthimin e dinjitetit dhe shpresës për këtë familje.
OH “Kalliri i Mirësisë Kërçovë” falënderon të gjithë vullnetarët dhe kontribuesit që bënë të mundur këtë ndërhyrje. Vazhdojmë së bashku në misionin për të ndihmuar ata që kanë më së shumti nevojë.

FOTO:

/ms