Kalliri i Mirësisë – Kërçovë ndan 262 çanta me mjete mësimore për fëmijët jetimë dhe në nevojë..(FOTO)
OH “Kalliri i Mirësisë – Kërçovë” në prag të fillimit të vitit të ri shkollor 2022/23 ka bërë shpërndarjen e 262 çantave me mjete mësimore për fëmijët jetimë dhe në nevojë.
Mas realizimit të takimit me drejtorët e shkollave fillore në gjuhën shqipe në komunën e Kërçovës ndarja e çantave me mjete mësimore u bë si vijon:
Shkolla “Sande Shterjoski” – Kërçovë 100 çanta dhe 20 për nxënësit me nevoja të veçanta, “Rexhë Ryshit Zajazi” – Zajaz 30 çanta, “Faik Konica” – Greshnicë 35, “Milto Gurra” – Garanë 30, “GJ.K.Skenderbeu” – Sërbicë 15 dhe “Naim Frashëri” – Jagoll 32 çanta me mjete mësimore.
Vlen të përmendet se ky aktivitet humanitar realizohet vite me rradhë nga Kalliri i Mirësisë dhe ka për qëllim mbështetjen e fëmijëve jetimë dhe në nevojë që edhe ato të zhvillojnë procesin edukativo-arsimor me kushte të barabarta si moshatarët e tyre.
Në këtë rast falenderojmë të gjithë donatorët që mbështetën këtë aktivitet dhe në veçanti mirënjohje të thellë për kompaninë Zegin, SHE “H. Nazim Xhaferi”, firma Spitex BajRon dhe imamin e Regenzdorfit h.Ferid Zeqirin.
Zoti i Madh ua shpërbleftë me mirësitë e Tij të pakufishme.
Zyra për marrëdhënie me publikun pran “Kalliri i Mirësisë – Kërçovë”
FOTO:
/ms
