Ka plagosur rëndë të njohurin me pistoletë në Zvicër – Gjykohet kosovari

Një shtetas kosovar 31-vjeçar po gjykohet në Zug për tentativë vrasjeje, pasi dyshohet se në vitin 2024 qëlloi një të njohur pas një grindjeje, si hakmarrje për një shuplakë. Prokuroria kërkon 16 vjet burg, gjobë dhe dëbim 15-vjeçar nga Zvicra.

I akuzuari refuzoi të deklarohet në gjykatë. Mbrojtja kërkoi lirimin e tij, duke argumentuar se nuk ka prova të qarta që ai ishte në vendin e ngjarjes dhe duke vënë në dyshim dëshmitë dhe provat materiale. Avokati theksoi paqartësi rreth numrit të të shtënave dhe mungesë të mbetjeve të armës tek i pandehuri.

Prokuroria, bazuar edhe në dëshminë e një shoferi Uber dhe të dhënat e vendndodhjes, e cilëson rastin si “vrasje për nder”. Viktima mbijetoi pas një operacioni urgjent. Deri në vendimin përfundimtar, vlen prezumimi i pafajësisë.

/albinfo