K.F Vëllazërimi 1977: Mërgata gjithmonë në përkrahje të vendlindjes dhe sportit kërçovar

Falënderim i veçantë për Shoqata Kulturore KercovaShoqatën Kulturore Kërçova në Zvicër dhe kryesinë e saj, e cila, pas kërkesës së bërë nga KF Vëllazërimi 1977 për ta përkrahur klubin në këto ditë të vështira, e pa të arsyeshme që klubin tonë ta inkuadrojë në buxhetin e saj, duke ndarë mjete financiare nga 500 euro, për klubin çdo vit.

Kjo iniciativë u prit me përkrahje të plotë edhe nga mërgimtarët tanë. Urojmë që edhe pas kërkesave që kemi bërë ndaj shoqatave të tjera në Diasporë, të marrim përgjigje pozitive, duke përkrahur klubin, fëmijët dhe sportistët kërçovarë në vendlindje.

Kjo është edhe një arsye më shumë për të krijuar lidhje edhe më të forta me mërgatën tonë, por njëkohësisht edhe një dëshmi se Kërçova gjithmonë është në shpirtin e mërgimtarëve tanë, pavarësisht se ku jetojnë.
🙏 Faleminderit, Mërgatë!

Ne do të bëjmë të pamundurën që këtë mund, përkrahje dhe përkushtim tuajin t’jua kthejmë me rezultate, duke ngritur dinjitetin e klubit dhe sportit kërçovar dhe duke ju bërë krenarë kudo që ndodheni.
Me respekt,
⚽ KF VËLLAZËRIMI 1977 – Kërçovë
💙 Kf Vëllazërimi mbi të gjitha

/ms