Jo grumbullimit të plehrave tek zabelet e çelike në Kërçovë

Kohëve të fundit janë vërejtur shkarkime dheu të përzier me plehra te Zabelet e Ҫelike, nga ana shërbimeve të pastrimit publik, të komunës së Kërçovës. Komuna e Kërçovës po tenton të kthejë deponinë e plehrave aty ku ishte para ca kohe, përsëri në mes të vendbanime shqiptare !
Këto vendbanime po vuajnë tashmë, me dekada të tëra, nga ndotja që prodhon TEC Osllome dhe një ndotje shtesë i vë kapakun dhe merr përmasa të një gjenocidi ekologjik të mirorganizuar.

Banorët e kësaj ane nuk paguajnë administrata për të jetuar në mes të plehrave !
Ata nuk paguajnë taksa për jetuar në tym dhe ndyrësirë e cila i vret përditë e nga pak.
Kërkojmë nga Komuna e Kërçovës, të ndërpresë shkarkimin e plehrave te Zabelet e Ҫelike dhe të gjejë zgjidhje të qëndrueshme të trajtimit të plehrave, në deponi me standarde dhe kushte të pranueshme, në bashkëpunim me institucionet qëndrore !

Shkarkimi i plehrave te Zabelet e Ҫelike, në mes vendbanimeve shqiptare, është i papranueshëm dhe i palejueshëm për banorët e kësaj zone.
Nëse komuna, nuk e ndërpret këtë aksion, atë do ta ndërpresin vetë banorët.

Banorët e kësaj ane kanë të gjitha arsyet dhe të drejtat të ndërpresin këtë aksion nëse komuna hesht dhe vazhdon derdhjen e plehrave në këtë zonë.

E drejta për të jetuar, në ambient të pastër jetësor, është natyrore dhe ajo do të mbrohet me çdo kusht !
Shkruajn nga Lidhja e Diasporës së Bashkuar Kërçovare.

/tvgurra