Java e Fëmijëve shënohet me aktivitete. nga kopshti i fëmijëve në Kërçovë tek Swiss Ranch

Java e Fëmijëve shënohet me aktivitete. nga kopshti i fëmijëve ne Kërçovë
Në kuadër të Javës së Fëmijëve, me një sërë aktivitetesh që po zhvillohen në mbarë vendin, edhe kopshti i fëmijëve “Olga Micevska” në Kërçovë po e shënon këtë javë me shumë dashuri, kreativitet dhe kujdes për më të vegjlit.

Drejtoresha e çerdhes, znj. Arlinda Shaini Veliu, së bashku me edukatoret dhe stafin e kopshtit, organizuan sot një aktivitet të veçantë në Swiss Ranch, ku fëmijët patën mundësinë të vizitojnë fermën dhe të njihen nga afër me kafshët dhe jetën rurale.

Ata u mirëpritën ngrohtësisht nga stafi i fermës dhe kaluan momente të gëzueshme, plot lojë e buzëqeshje.
“Çdo ditë duhet të kujtojmë se sa e rëndësishme është që çdo fëmijë të rritet me dashuri, kujdes dhe vëmendje.

Kjo javë është një mundësi e bukur për ta theksuar edhe një herë misionin tonë – edukimin dhe përgatitjen e më të vegjëlve për jetën,” – theksoi drejtoresha Arlinda Shaini Veliu.

Ky aktivitet ishte një dëshmi e përkushtimit të stafit të çerdhes “Olga Micevska” për të krijuar kujtime të bukura e kuptimplotë për fëmijët, duke e bërë Javën e Fëmijëve një përvojë të paharrueshme për ta.

/tvgurra