Ja si u manipulua regjistrimi në Maqedoni, shqiptarët janë rreth 40 për qind..(Video)
Lideri i Lëvizjes BESA, Bilall Kasami në një intervistë për emisionin “Zona Zero”, ndër të tjera ka folur edhe për regjistrimin e popullsisë në Maqedoninë e Veriut.
Ai ka thënë se shqiptarët në Maqedoni janë rreth 40 për qind.
“Cenzusi i fundit ishte një manipulim klasik, kur dihet se shqiptarët në Maqedoninë e Veriut shkojnë diku rreth 40 për qind dhe janë shumë afër me popullin maqedonas. Manipulimi ndodhi në momentin kur ju dha mundësia qytetarëve të vetregjistrohen. Në këtë rast u krijuar një situatë që nuk njihet me rregullat e Eurostatit. Kjo ishte bërë me premtimin se edhe këta të vetregjistruarit do të llogariteshin si rezident.
Kështu rreth 200 mijë shqiptarë, edhe ata që jetojnë në Maqedoninë e Veriut u vetregjistruan në platformën oline të Entit të Statistikave. Këtu ndodhi hilja!
Pastaj kur dolën regjistruesit në terren, gjithë këta shqiptarë të vetregjistruar, nuk u regjistruan. Edhe diaspora nuk u regjistrua e tëra. Në diasporë rreth 500 mijë qytetarë të Maqedonisë, ndërsa u regjistruar vetëm 260 mijë.
VIDEO:
(INA)
