Ja se çfarë mund të ndodhë nëse SHBA-ja sulmon Iranin ?

Shtetet e Bashkuara mund të sulmojnë Iranin së shpejti, por pasojat mbeten të paparashikueshme nëse nuk arrihet një marrëveshje e fundit me Teheranin. Skenarët e mundshëm përfshijnë: sulme të kufizuara që mund të çojnë (ose jo) në rrëzimin e regjimit; mbijetesë të Republikës Islamike me politika më të zbutura; ose rënie të regjimit dhe zëvendësim nga një pushtet ushtarak i Gardës Revolucionare.

Po ashtu, ekziston rreziku që Irani të hakmerret duke sulmuar forcat amerikane dhe aleatët e tyre, duke minuar Gjirin Persik, apo edhe duke goditur anije luftarake amerikane, çka do të kishte pasoja serioze globale, sidomos për tregun e naftës.

Skenari më i rrezikshëm mbetet rrëshqitja e Iranit në kaos, me konflikte të brendshme, kriza humanitare dhe refugjatësh. Rreziku kryesor është nisja e një lufte pa fund të qartë dhe me pasoja të paparashikueshme për rajonin dhe botën.

/alsatm