Ja pse gjykata e liroi Asmir Jahoskin..!?

Nga Prokuroria njoftuan edhe zyrtarisht se Asmir Jahoski, pronar i kompanisë “Pucko Petroll”, është lëshuar nga paraburgimi dhe se i njëjti do të vazhdojë të vuajë masën e arrestit shtëpiak, përcjell TV21.

Nga Prokuroria përmendën rrethanat që, sipas tyre, “gjykata ka vlerësuar se janë në favor të uljes së rrezikut për arratisjen e Jahoskit”, që sipas tyre justifikojnë përcaktimin e një mase më të butë për sigurimin e pranisë së të njëjtit.

“Në sqarim të vendimit theksohet se gjyqtari i procedurës paraprake gjatë marrjes së vendimit ka marrë parasysh rrethanat e parashtruara në propozimin e Prokurorisë, por në të njëjtën kohë ka marrë parasysh rrethanat subjektive që janë në anën e të dyshuarit, gjegjësisht se ai me vendim të Gjykatës Civile në Shkup është kujdestar i katër fëmijëve të tij, tre prej të cilëve janë të mitur, se ka krijuar lidhje të forta me shtetin dhe kompanisë së tij me shumë të punësuar, dhe se gjendja e tij shëndetësore është e dëmtuar, për të cilën ka dorëzuar dokumentacionin.

Kështu, gjyqtari i procedurës paraprake, duke mos pranuar propozimin e Prokurorisë, vendosi që të dyshuarit t’i shqiptojë arrest shtëpiak, dhe njëherë vlerësoi se janë plotësuar kushtet për caktimin e masës së kujdesit – marrje e dokumentit të udhëtimit dhe ndalim për lëshimin e dokumentit të ri të udhëtimit”, thuhet mes tjerash në njoftimin e Prokurorisë.

/tv21