Ja cka u vendos për azilantat në Gjermani ?

CDU/CSU dhe SPD ranë dakord për zbatimin e Sistemit të Përbashkët Evropian të Azilit (GEAS), me synim kufizimin e migracionit të parregullt dhe përshpejtimin e procedurave të azilit.

Sipas marrëveshjes, rastet e ashtuquajtura të Dublinit mund të mbahen deri në tre muaj në qendra të posaçme azili, për të lehtësuar deportimet. Vendimi për krijimin e këtyre qendrave u takon landeve dhe duhet miratimi i Bundesratit.

Fëmijët, familjet dhe grupet vulnerabël përjashtohen nga masat më të ashpra: nuk parashikohet ndalim për fëmijët dhe familjet zakonisht duhet të largohen nga qendrat pas gjashtë muajsh. Azilkërkuesit dhe personat e toleruar do të kenë akses në tregun e punës pas tre muajsh, në vend të gjashtë.

Organizatat për të drejtat e njeriut e kritikojnë ashpër marrëveshjen, duke paralajmëruar kufizime të lirisë dhe ndalime të reja, që sipas tyre shkojnë përtej kërkesave të BE-së.

GEAS synon që procedurat e azilit të zhvillohen kryesisht në kufijtë e jashtëm të BE-së dhe të jetë ligjërisht i zbatueshëm në të gjitha vendet e BE-së deri në qershor 2026. Në Gjermani, ligji mund të miratohet më herët.

Qeveria gjermane synon gjithashtu të dobësojë ndikimin e AfD-së në zgjedhje dhe po shqyrton mundësinë e krijimit të qendrave të kthimit jashtë BE-së për azilkërkuesit e refuzuar.

/alsatm