Itali: Shqiptari hik nga burgu duke përdorur çarçafë, është arratisja e tij e katërt !

T.T., një shtetas shqiptar i dënuar për grabitje, u arratis për herë të katërt nga burgu i sigurisë së lartë në Opera, Milano. Ai preu hekurat e qelisë dhe u largua nga dritarja me çarçafë gjatë ndërrimit të turnit, duke kaluar murin gjashtë metra të lartë. Tani kërkohet në nivel kombëtar.

Hetimet po analizojnë kamerat e sigurisë për të zbuluar nëse ka pasur ndihmë. T.T. ka një histori të gjatë arratisjesh, duke përfshirë episode të bujshme në vitet 2009 dhe 2013, si dhe një arratisje nga Belgjika.

Rasti ka nxjerrë në pah problemet e sistemit penitenciar italian: mbipopullimin (deri në 133%) dhe mungesën e stafit. Sindikatat raportojnë rreth 20,000 oficerë të munguar dhe e quajnë situatën të paqëndrueshme, duke theksuar se në burgun e Operas ka shumë më tepër të burgosur sesa kapaciteti dhe staf i pamjaftueshëm për t’i menaxhuar.

/ms